ОГЛАСНА ТАБЛА

Гостин на час

д-р Весна Секулоска

   Наставната тема „УНАПРЕДУВАЊЕ НА ЗДРАВЈЕТО“ од предметот ПРИРОДНИ НАУКИ ја заокружуваме со предавање на стручно лице, чија грижа за превенција на здравјето е професионална определба.

  Во нашето одделение, гостин-родител, беше доктор Весна Секулоска која со задоволство ја прифати нашата покана да ја завршиме наставната тема со една рекапитулација на се она што го учевме за заразните болести, вирусите, бактериите и превенција на здравјето. Преку презентацијата, докторката ги опфати сите клучни прашања од наставната тема, давајќи им можност на учениците да прашаат се што ги интересира за она што сме го учеле за заразните болести, како и за начините на унапредување и заштита на нашето здравје.

  После презентацијата преку кратки квиз прашања кои ги подготви „асистентот“ на нашата гостинка – Јована Секулоска, учениците повторија што научиле, поставуваа прашања и асоцираа на примери од своето искуство во борбата со настинките и вирусите.

  Во завршниот дел од часот на гостинката и беа поставени прашања за тоа како да се стане лекар, што можеби е желба на некои од нашите ученици во иднина да биде нивна професионална определба. Голема благодарност до ангажманот на д-р Весна Секулоска за успешната реализација на часот и за уште една успешна приказна со која ја започнуваме серијата часови „Гостин – родител“.

     Албумот можете да го погледнете тука

Отворен час со авторката

Маја Мојсова

   Со гостувањето на младата авторка, поетесата Маја Мојсова, на отворен час во нашето одделение, го заокружуваме месецот на книгата со пораката на авторката – книгата ќе постои се додека постои светот и она што можеме да го направиме за себе е што повеќе да читаме!

   Иако Маја Мојсова е автор на повеќе збирки песни и раскази за возрасни, на иницијатива на претседателот на нашето III3 одделение Теа Аслимоска, со задоволство се согласи да гостува во нашата паралелка и да ја доближи својата страст кон пишаниот збор до учениците преку различни активности. повеќе...

     Албумот можете да го погледнете тука

Медо Штедо на час кај нас

   По повод месецот на штедењето на гости ни дојде Медо Штедо со претставниците од Шпаркасе Банка - Натали Мојсоска Кесковска и Светлана Карадакоска. Преку нивната презентацијата научивме за првите платежни средства, се потсетивме на начините на кои денес плаќаме и се запознавме со детското штедење Медо Штедо. Секој ученик објасни зошто е добро да се штеди и на кој начин ги штеди своите пари.

     Го покануваме Медо Штедо да ни дојде и в година на гости!

     Албумот можете да го погледнете тука

Заокружување на броевите на полна десетка

Лентата со броеви е одлична алатка со која учениците од прво и второ одделение можат да ги усвојат броевите до 100. Работниот лист од кој можете да ја изработите лентата ќе го најдете на линкот во описот на видеото

Лента со броеви до 100

Лентата со броеви е одлична алатка со која учениците од прво и второ одделение можат да ги усвојат броевите до 100. Работниот лист од кој можете да ја изработите лентата ќе го најдете на линкот во описот на видеото

Единици и десетки - едноцифрени и двоцифрени броеви

Примена на арапските цирфи и начинот на кој пишуваме со нив. Декадниот или десетичен систем кој го употребуваме при пишувањето на броевите подразбира позиционо подредување на цифрите при што во 1 десетка се содржат 10 единици (1Д=10Е) Работниот лист може да го најдете на линкот

Потребен прибор за II одделение

Листата со приборот кој треба учениците да го имаат може да ја испечатите тука

      ОБЈАСНУВАЊЕ ЗА НАЧИНОТ НА КОРИСТЕЊЕ НА ПРИБОРОТ

   Македонски јазик: 5 тетратки за почетно пишување и големата тетратка по македонски јазик од минатата учебна година. Тетратките потпишете ги, а три од нив ученикот ќе донесе и чува во шкафчето во кабинетот. Како тетратка за диктат ќе ја користиме онаа од претходната учебна година што е во училница. (дополнувате нова штом учениците ја завршат со пишување онаа која веќе ја употребуваат).

   Математика: малата тетратка со квадратчиња (може и со тврда корица) и малата тетратка без линии од претходната учебна година. Математички семафор, комплет линијари (2 триаголници, линијар и агломер - секој од линијарите и футролата означете ги со маркер или лак за нокти со иницијалите од ученикот или знак препознатлив за него)

   Општество: Голема тетратка А4 формат со квадратчиња. (не со правоаголници - системот од линии со квадратчиња е соодветен и сличен на системот за пишување од тетратките за почетно пишување)

   Природни науки: - Голема тетратка А4 формат со квадратчиња; (не со правоаголници)

   Футрола за прибор со комплет дрвени бои и фломастери, 2 моливи – НВ, гума, острилка, ножички, лепак - стик и салотејп;

   Музичко образование: мала тетратка со квадратчиња;

   Ликовно образование: - 2 блока за цртање број 2 (не за скицирање), дрвени боички, водени боички, темперни бои, 2 четки една широка (сплосната) и една тенка и чашка за вода, пастелни бои, самолеплива хартија во боја, пластелин и подлога (табличка). Земете голема кутија од чевли (може да ја употребите и кутијата од претходната учебна година), украсете ја со украсна хартија и ставете го приборот по ликовно образование во неа. Направете список со материјалите кои се во кутијата и залепете го на капакот на внатрешната страна од кутијата. Кутијата ќе стои во шкафчето од ученикот. Подлогата за работа која се поставува на клупата ако е пластифицирана не може да стои во кутијата, таа ќе стои во шкафчето; кутијата со прибор учениците ќе ја донесат во училиште на 4 септември (понеделник).

      Препорака: Потпишете го секое парче од приборот - залепете налепници, залепете лентички, употребете маркер или лак за нокти - во зависност што треба да означите. Ако користите лак за нокти - земете специфична боја која ученикот лесно ќе ја препознае како своја за да може лесно да го препознае приборот кој е негов. Употребете од приборот се што е употребливо од претходнта учебна година, а исто така и од тетратките со цел да се направи целина во работата во тетратките. Учениците активно вклучете ги во процесот на подготовката на приборот и материјалите за да може понатаму самостојно да се подготвуваат за во училиште.

Активностите од претходните учебни години

ќе ги најдете на страницата АРХИВА

РАСПОРЕД ЗА ЅВОНЕЊЕ

КОДЕКС НА ОДНЕСУВАЊЕ НА УЧЕНИЦИТЕ

1. УЧЕНИЦИТЕ ЗАДОЛЖИТЕЛНО ДА ЈА НОСАТ УЧЕНИЧКАТА УНИФОРМА И ДА СЕ ПРИСТОЈНО ПОТСТРИЖЕНИ
2. УЧЕНИЦИТЕ ТРЕБА ДА БИДАТ ВО УЧИЛИШТЕ ОКОЛУ 15 МИНУТИ ПРЕД ЗАПОЧНУВАЊЕТО НА ЧАСОВИТЕ
3. ЗА ВРЕМЕ НА МАЛИТЕ ОДМОРИ УЧЕНИЦИТЕ НЕ ТРЕБА ДА ЈА НАПУШТААТ УЧИЛИШНАТА ЗГРАДА БЕЗ ПОСЕБНА ПОТРЕБА
4. НЕ НАПУШТАЈТЕ ГО УЧИЛИШНИОТ ДВОР ЗА ВРЕМЕ НА ГОЛЕМИОТ ОДМОР И ДРУГИ ПРЕКИНИ НА НАСТАВАТА
5. ВАШЕТО ДОЦНЕЊЕ НА ЧАСОТ ЌЕ БИДЕ ЕВИДЕНТИРАНО И САНКЦИОНИРАНО
6. УЧЕНИЦИТЕ ТРЕБА НАВРЕМЕ ДА ГО ОПРАВДААТ СВОЕТО ОТСУСТВО ОД ЧАСОВИТЕ СО МЕДИЦИНСКА БЕЛЕШКА И РОДИТЕЛ
7. ДЕЖУРНИТЕ УЧЕНИЦИ ТРЕБА СОВЕСНО И НАВРЕМЕНО ДА ГИ ИЗВРШУВААТ СВОИТЕ ОБВРСКИ
8. УЧЕНИЦИТЕ НАВРЕМЕНО ТРЕБА ДА ГИ ПРИЈАВУВААТ ПРОБЛЕМИТЕ КАЈ ДЕЖУРНИТЕ НАСТАВНИЦИ, ОДДЕЛЕНСКИ РАКОВОДИТЕЛИ ИЛИ СТРУЧНАТА СЛУЖБА прочитај повеќе...

ПОЧИТУВАЊЕТО НА КОДЕКСОТ НА ОДНЕСУВАЊЕ ПРИДОНЕСУВА ЗА ПОДОБАР УЧИЛИШЕН АМБИЕНТ