|
- ВОВЕДНИ АКТИВНОСТИ:
Насочен разговор:
- Кога ќе споменеме сликовница – кои се очекувањата на учениците?!
- Со учениците се дискутира што кај сликовниците би ја разбудило нивната љубопитност: наслов, илустрации, форма (мини, џиновска сликовница, со интересна несекојдневна форма), хартиена, електронска . . .
- Се истакнува дека на часот учениците ќе се запознаат со содржината на една нова електронска сликовница (ако учениците прв пат се среќаваат со ваков формат – наставникот малку повеќе ќе посвети внимание на поимот електронска сликовница).
- УЧЕНИЧКО ПОУЧУВАЧКИ АКТИВНОСТИ:
- Прво читање на сликовницата
Наставникот ја чита содржината од третата и четвртата страна од сликовницата (без да го каже насловот):
- Анализа на содржината по систем прашања – одговори (Каде оди да спие Иван? Во што гледа низ прозорецот на својата соба? Што посакува?)
Техника “Водена фантазија“:
- Наставникот бара учениците да ги затворат очите, да замислат дека се крај прозорецот од својата детска соба, да погледнат низ него . . . и да мечтаат;
- За тоа време наставникот на учениците им дели стикери (потсетници);
- Секој ученик треба да ја запише својата мечта на потсетникот и да ја залепи на хамер поставен на ѕидот во училницата.
Наставникот ја чита содржината од петтата и шестата страница од сликовницата
- Се бараат предлози за насловот на сликовницата;
- Наставникот ги поставува мини сликовниците (работен лист изработен во форма на мини сликовница) врз клупите кои се поставени во средина на училницата и им нуди на учениците секој да си земе по една за себе;
- Учениците ја отвораат мини сликовницата (препознавање на Иван и волшебната фотелја);
- Наставникот ја покажува насловната страна од електронската сликовница.
Наставникот ја чита сликовницата:
- После секоја прочитана страна од наставникот учениците го дополнуваат текстот во својата мини сликовница со името на планетата, а еден ученик избран од наставникот го чита текстот кој волшебната фотелја бара од Иван да го запише во нотесот.
- Второ читање на сликовницата
Учениците читаат по една страна од електронската сликовница:
- Од учениците бараме да ја затворат мини сликовницата и да ја остават пред себе;
- Прашуваме што треба да се направи на корицата од сликовницата - учениците одговараат дека таму треба да се напишат сите планети од сончевиот систем;
- Наставникот предлага тоа заеднички да го направиме сите читајќи ја уште еднаш електронската сликовница;
- По еден ученик чита една страница доаѓајќи пред компјутерот или од платното каде се прожектира сликовницата;
- Учениците кои читаат од 7 до 15 страница, откако ќе го прочитаат текстот, одат кај хамерот поставен на клупите во централниот дел од училницата, од поставените слики на планетите ја избираат планетата за која читале во сликовницата и ја лепат на соодветното место во сончевиот систем;
- Истите или други ученици може да ги обојат планетите на хамерот, да запишат која од нив како се вика и сл.
- Кој за што мечтае:
- Kој има слични мечти со Иван? – наставникот ги чита налепниците на кои учениците ги искажаа своите мечти на почетокот на часот. Учениците се обидуваат да погодат која мечта од кој ученик е (колку меѓусебно се познаваме).
Налепниците се прегрупираат на хамерот:
1. Ученици чии мечти се исти со оние од Иван;
2. Ученици чии мечти се блиски до оние од Иван;
3. Ученици чии мечти се различни со мечтите од Иван.
Домашна задача: да се обои мини сликовницата
- ЕВАЛВАЦИОНИ АКТИВНОСТИ:
- наставникот ја прелистува електронската сликовница а учениците ги именуваат планетите од сончевиот систем
|